சொல்லுங்கய்யா… சொல்லுங்க….

விடிஞ்சதும் வியாபரத்துக்கு

மீன் வாங்கனுமே… இருக்குற காசுல!

உவரிப் பக்கம் போகனும்

இல்லனா

முட்டம் பக்கம் போகனும்,

கூடையில மீனுகள அள்ளிப்போட்டு

திசையன்விளை சந்தையில்

வித்துப்புடனும்…

எப்பாடுபட்டாச்சும் கொஞ்சம் காச சேத்துடனும்..

மூனுவேளைச் சோத்த ஒருவேளையாக்கியாவது…

நவலடி பக்கம் போற மினிபஸ் ,

எனக்கு வேணாம்யா….

என்னோட சேத்து மீனுக்கும் டிக்கெட் கிழிப்பானுக!

கால்நடையா வீடு போயி சேந்திடுவேன்,

இளப்பாத்தும் நேத்துமீந்த சோத்துத் தண்ணி,

உழைப்பால உயர்ந்த தமிழனுகனு சொல்ல

மீன் வித்த காசுலயும் ,

நடந்து மிச்சம் புடிச்ச காசயும்

பட்டினியால வாடி இருக்கும் என்மக்க

போராடும் போராட்டத்துக்கு குடுப்போம்யா!

வெளிநாட்டுக்காரனுக்கு லட்டு திங்க ஆசையாம்

எங்க ஊர்காரனுக்கு ஒரு சக்கரையா

கரண்ட் ட காட்டி ஏமாத்றாய்ங்க…

இத தட்டிக்கேட்டா நம்ம அதிகாரிகளே

எங்கள வெளிநாட்டுக்கூலிங்கராயிங்க…

பத்துபேரு வாழ நான் சாகறேன் ஆனா

பாழாப்போன வெளிநாட்டு முதலாளிகளும்

பாழாக்குற நம்ம நாட்டு அரசியல்வாதிகளும் வாழ

எங்க ஊரெல்லாம் சாகனுமா?

சொல்லுங்கய்யா…

சொல்லுங்க….